huda Karay Ke Meri Arz-e-Pak Per Utray <br />Wo Fasl-e-Gul Jisay Andesha-e-Zawaal Na Ho <br /><br />Yahan Jo Phool Khilay, Khila Rahay Sadi'on <br />Yahan Khizaan Ko Guzarnay Ki Bhi Majaal Na Ho <br /><br />Yahan Jo Sabza Ugay, Hamesha Sabz Rahay <br />Aur Aisa Sabz Ke Jis Ki Koi Misaal Na Ho <br /><br />Khuda Karay Ke Na Kham Ho Sir-e-Waqar-e-Watan <br />Aur Is Ke Husn Ko Tashweesh-e-Mah-o-Saal Na Ho <br /><br />Her Aik Fard Ho, Tahzeeb-o-Fun Ka Oaj-e-Kamaal <br />Koi Malool Na Ho, Koi Khasta Haal Na Ho <br /><br />Khuda Karay Ke Meray Aik Bhi Hum'Watan Ke Leay <br />Hayaat Jurm Na Ho, Zindagi Wabaal Na Ho <br /><br />Khuda Karay Ke Meri Arz-e-Pak Per Utray <br />Wo Fasl-e-Gul Jisay Andesha-e-Zawaal Na Ho
