آرزوے وصل جاناں میں سحر ہونے لگی <br />کلام حضرت شیخ غلام معین الدین مشتاق رحمتہ اللہ علیہ گولڑہ شریف <br />قوال حاجی محبوب علی گولڑہ شریف <br /> <br />آرزوئے وصل جاناں میں سحر ہونے لگی <br />زندگی مانند شمع مختصر ہونے لگی <br /> <br />راز الفت کھل نہ جائے بات رہ جائے مری <br />بزم جاناں میں الہیٰ چشم تر ہونے لگی <br /> <br />اب شکیب دل کہاں حسرت ہی حسرت رہ گی <br />زندگی اک خواب کی صورت بسر ہونے لگی <br /> <br />یہ طلسم حسن ہے یا کہ مآل عشق ہے <br />اپنی ناکامی ہی اپنی راہ بر ہونے لگی <br /> <br />سن رہا ہوں آرہے ہیں وہ سر بالیں آج <br />میری آہ نارسا بھی با اثرہونے لگی <br /> <br />ان سے وابستہ امیدیں جو بھی تھیں وہ مٹ گئیں <br />اب طبیعت آپ اپنی چارہ گر ہونے لگی <br /> <br />وہ تبسم تھا کہ برق حسن کا اعجاز تھا <br />کائنات جان و دل زیر و زبر ہونے لگی <br /> <br />دل کی ڈھڑکن بڑھ گئی آنکھوں میں آنسو آگئے <br />غالباً میری طرف ان کی نظر ہونے گی <br /> <br />جب چلا مشتاق اپنا کارواں سوئے عدم <br />یاس ہم آغوش ہو کر ہم سفر ہونے لگی <br />presented by syed shahid mohy ud din bukhari
