غلام حشر میں سید الوراح کے چلے <br />غلام حشر میں سید الوراح کے چلے <br />لوائے حمد کے سائے میں سر اٹھا کے چلے <br />چراغ لے کے جو عشاق مصطفیٰ کے چلے <br />ہوائے تند کے جھونکھے بھی سر جھکا کے چلے <br />وہیں پہ تھم گئی اک بار گردش دوراں <br />جہاں بھی تذکرے سلطان انبیا کے چلے <br />ہے دیدنی یہ مدینے کے عاشقوں کا چلن <br />جبیں پہ خاک در مصطفیٰ سجا کے چلے <br />یہ کس کا شہر قریب آ رہا ہے دیکھو تو <br />درود پڑھتے ہوئے قافلے ہوا کے چلے <br />نہیں ہے کبر کی رخصت حرم میں زائر کو <br />ادب کا ہے تقاضا کہ سر جھکا کے چلے <br />وہ ان کا فقر سلیماں کو جس پہ رشک آئے <br />وہ ان کا حسن کہ یوسف بھی منہ چھپا کے چلے <br />سر نیاز جھکایا جنہوں نے اس در پر <br />وہ خوش نصیب ہی دنیا میں سر اٹھا کے چلے <br />نشے کی علت حرمت میں تھا یہ پہلو بھی <br />کہ پل صراط پہ مومن نہ لڑکھڑا کے چلے <br />طلب ہوئی سر قوسین جب شب اسری <br />حضور واقف منزل تھے مسکرا کے چلے <br />نظر بہ عالم پاکیزگی پڑے ان پر <br />مسافران لحد اس لئیے نہا کے چلے <br /> <br />شاہ نصیر الدین نصیر گیلانی رحمتہ الله علیہ <br />تسلیم صابری <br />presented by syed shahid mohy ud din bukhari & khalid shaham
