Manzar Faza e Dahar Mein Sara Ali Ka Hai <br /> <br />منظر فضائے دہر میں سارا علی کا ہے <br />جس سمت دیکھتا ہوں، نظارہ علی کا ہے <br /> <br />دنیائے آشتی کی پھبن ، مجتبی حسن <br />لختِ جگر نبی کا تو پیارا علی کا ہے <br /> <br />ہستی کی آب و تاب،حسین آسماں جناب <br />زھرا کا لال، راج دلارا علی کا ہے <br /> <br />مرحب دو نیم ہے سر مقتل پڑا ہوا <br />اُٹھنے کا اب نہیں کہ یہ مارا علی کا ہے <br /> <br />کُل کا جمال جزو کے چہرے سے ہے عیاں <br />گھوڑے پہ ہیں حسین، نظارا علی کا ہے <br /> <br />اے ارض پاک ! تجھ کو مبارک کہ تیرے پاس <br />چم نبی کا ، چاند ستارہ علی کا ہے <br /> <br />اہل ہوس کی لقمۂ تر پر رہی نظر <br />نانِ جویں پہ صرف گزارا علی کا ہے <br /> <br />تم دخل دے رہے ہو عقیدت کے باب میں <br />دیکھو مُعاملہ یہ ہمارا علی کا ہے <br /> <br />ہم فقر مست، چاہنے والے علی کے ہیں <br />دل پر ہمارے صرف اجارا علی کا ہے <br /> <br />آثار پڑھ کے مہدی دوراں کے یوں لگا <br />جیسے ظہور وہ بھی دوبارا علی کا ہے <br /> <br />دنیا میں اور کون ہے اپنا بجز علی <br />ہم بے کسوں کو ہے تو سہارا علی کا ہے <br /> <br />اصحابی کالنجوم کا ارشاد بھی بجا <br />سب سے مگر بلند ستارا علی کا ہے <br /> <br />تو کیا ہے اور کیا ہے تِرے علم کی بساط <br />تجھ پر کرم نصیر یہ سارا علی کا ہے <br /> <br />Naseer ud Din Naseer <br />نصیر الدین نصیر
