لو مدینے کی تجلی سے لگائے ہوئے ہیں <br />دل کو ہم مطلع انوار بنائے ہوئے ہیں <br /> <br />اک جھلک آج دکھا گُنبدِ خضراء کے مکیں <br />کچھ بھی ہیں دور سے دیدار کو آئے ہوئے ہیں <br /> <br />سر پہ رکھ دیجیے ذرا دست تسلی آقا <br />غم کے مارے ہیں زمانے کے ستائے ہوئے ہیں <br /> <br />نام کس منہ سے ترا لیں کہ ترے کہلاتے <br />تیری نسبت کے تقاضوں کو بھلائے ہوئے ہیں <br /> <br />گھٹ گیا ہے تری تعلیم سے رشتہ اپنا <br />غیر کے ساتھ رہِ رسم بڑھائے ہوئے ہیں <br /> <br />شرم عصیاں سے نہیں سامنے جایا جاتا <br />یہ بھی کیا کم ہے تیرے شہر میں آئے ہوئےہیں <br /> <br />تری نسبت ہی تو ہے جس کی بدولت ہم لوگ <br />کفر کے دور میں ایمان بچائے ہوئے ہیں <br /> <br />بوسہء در سے نہ روک اب تو انہیں اے درباں <br />خود نہیں آئے یہ مہماں بلائے ہوئے ہیں <br /> <br />اللہ الله مدینے پہ یہ جلووں کی پھوار <br />بارشِ نور میں سب لوگ نہائے ہوئے ہیں <br /> <br />کیوں نہ پلڑا تیرے اعمال کا بھاری ہو نصیر <br />اب تو میزان پہ سرکار بھی آئے ہوئے ہیں <br />کلام حضرت شیخ سید پیر نصیر الدین نصیر جیلانی رحمتہ اللہ علیہ <br />اپ کی دعاؤں کاطالب سید شاہد محی الدین بخاری <br /> kalam pir naseer ud din naseer jillani (R.A) golra sharif <br /> <br />presented by syed shahid mohy ud din bukhari
