اک میں ہی نہیں ان پر قربان زمانہ ہے <br />جو ربِ دوعالم کا محبوب یگانہ ہے <br /> <br />کل جس نے ہمیں پُل سے خود پار لگانا ہے <br />زہرہ کا وہ بابا ہے ، سبطین کا نانا ہے <br /> <br />اس ہاشمی دولہا پر کونین کو میں واروں <br />جو حسن و شمائل میں یکتائے زمانہ ہے <br /> <br />عزت سے نہ مر جائیں کیوں نام محمد پر <br />ہم نے کسی دن یوں بھی دنیا سے تو جانا ہے <br /> <br />ہوں شاہِ مدینہ کی میں پشت پناہی میں <br />کیا اس کی مجھے پروا دشمن جو زمانہ ہے <br /> <br />سو بار اگر توبہ ٹوٹی بھی تو کیا حیرت <br />بخشش کی روایت میں توبہ تو بہانہ ہے <br /> <br />محرومِ کرم اس کو رکھئے نہ سرِ محشر <br />جیسا ہے "نصیر" آخر سائل تو پرانا ہے <br />کلام حضرت اشیخ پیر سید نصیر الدین نصیر گیلانی رحمتہ الله علیہ گولڑہ شریف <br />آپ کی دعاؤں کا طالب سید شاہد محی الدین بخاری
