بہت کچھ ہم نے دیکھا دیکھنے کو <br />رہا دنیا میں اب کیا دیکھنے کو <br /> <br />میں خود اک قدِ آدم آئنہ ہوں <br />ترا اپنا سراپا دیکھنے کو <br /> <br />کہاں ساحل پہ موجوں کا تبسم <br />اُنہیں آتا ہے دریا دیکھنے کو <br /> <br />نکل آئے فلک پر چاند سُورج <br />ترا نقشِ کفِ پا دیکھنے کو <br /> <br />دمِ آخر کروں گا راز اِفشا <br />مجھے آپ آئیں تنہا دیکھنے کو <br /> <br />تجھے دیکھے نہ کیوں سارا زمانہ <br />کہاں ملتا ہے تجھ سا دیکھنے کو <br /> <br />مجھے اٹھ اٹھ کے سب محفل نے دیکھا <br />وہی ظالم نہ اٹھا دیکھنے کو <br /> <br />حریمِ ناز سے باہر وہ آئیں <br />کھڑی ہے ایک دنیا دیکھنے کو <br /> <br />ترا ثانی سنا ہم نے ، نہ دیکھا <br />زمانہ ہم نے دیکھا ، دیکھنے کو <br /> <br />بس اس کے بعد تو راہِ عدم ہے <br />یہی باقی ہے رَستا دیکھنے کو <br /> <br />اِدھر دَم دے دیا بیمارِ غم نے <br />اُدھر آیا مسیحا دیکھنے کو <br /> <br />نصیر! اُن کی گلی میں کیوں گئے تھے <br />یہی ، اپنا تماشا دیکھنے کو؟ <br /> <br />-قوال رشید فریدی <br /> -کلام حضرت شیخ سید پیر نصیر الدین نصیر جیلانی رحمتہ اللہ علیہ <br />دعا کا طالب شاہد محی الدین بخاری
