Rûz u şeb dîdelerim derdin ile kan ağlar <br />Vâkıf olan benim esrârıma her an ağlar <br />Kimse fehm itmedi hayfâ ki nedir maksûdum <br />Gice gündüz ne içün dîde-i giryân ağlar <br />Dâğ-ı sînem göricek hûn ile âlûde benim <br />Rahm idip hâlime ezhâr-ı gülistân ağlar <br />Gördü çün derd-i dil-i zârımı rahm itdi tabîb <br />Didi ey hasta-i hicrân sana dermân ağlar <br />Yine rahm eylemez asla bana ol âfet-i cân <br />Beni bîmârî görüp hâlime yârân ağlar <br />Gam değil bilmez ise hâl-ı derûnum ol yâr <br />Fehm ider niyyetimi sâhib-i irfân ağlar <br />Derd ile rûyuna bakdıkça senin İlhâmî <br />Gerçi handân olur ammâ ciğeri kan ağlar <br />(Sultan III. Selim Han )
