Експертите алармираат - децата да не се злоупотребуваат во политичката кампања <br />08.04.2014 | 17:07 <br />Избори 2014 <br />Прочитано: 31 <br /> <br />Малолетници со транспаренти организирани во групи. Ова е најчесто сликата која ја гледаме за време на кампањите и митинзите на политичките партии алармираат дел од социолозите. <br /> <br />Велат ова е карактеристика на земјите каде што има ниско ниво на демократија каде децата наместо да бидат фокус за заложби на партиските функционери тие се користат за главно оружје сред кампања. <br /> <br />И од првата детска амбасада Меѓаши апелираат децата да не се користат како средство за манипулација но и бараат поголема ажурност од родителите. Велат ја следат ситуацијата и се што ќе се коси со правата и законите за заштита на децата ќе влезе во извештајот кој се доставува до комитетот на ООН во Женева. <br /> <br />24 Вести побара и став од министерството за труд и социјална политика од каде одговорија дека не располагаат со податоци за инволвираноста на малолетните лица во изборната кампања. <br /> <br />Веќе неколку години наназад учеството на децата во политичките кампањи е тема која ги загрижува дел од македонските експерти и социолози. <br /> <br />Тие неколку пати апелираа институциите засегнати со проблематиката да дејствуваат поажурно за да се спречи злоупотребата на децата во политиката.
