مجھے جس دَم خیالِ نرگسِ مستانہ آتا ہے <br />بڑی مشکل سے قابو میں دِلِ دیوانہ آتا ہے <br />مزہ دیتا ہے جب بادل سوئے میخانہ آتا ہے <br />صُراحی جھومتی ہے وجد میں پیمانہ آتا ہے <br />بہارِ جام و مینا بس گئی ہے ایسی آنکھوں میں <br />جدھر جاؤں جدھر دیکھوں نظر میخانہ آتا ہے <br />فِراقِ یار سے بڑھ کر وِصالِ یار آفت ہے <br />قریبِ شمع مرنے کے لئے پروانہ آتا ہے <br />گھٹا کو دیکھ کر رِندوں کے دِل لہرائے جاتے ہیں <br />گھٹا آتی ہے ساقی یا کوئی میخانہ آتا ہے <br />تری محفل کو میں اے شمع رُو مقتل سمجھتا ہوں <br />مزہ دیتا ہے جب بادل سوئے میخانہ آتا ہے <br />صُراحی جھومتی ہے وجد میں پیمانہ آتا ہے <br />وہ میکش ہوں کہ اِستقبال کو میخانہ آتا ہے <br />جُنوں انگیز کیا آب و ہوا ہے کوئے جاناں کی <br />کہ جاتا ہے جو عاقل ہو کے وہ دیوانہ آتا ہے <br />مری توبہ ہے ایسی جسکو خود توبہ کی حاجت ہے <br />بدل جاتی ہے نیت یاد جب میخانہ آتا ہے <br />صدائے قُلقُلِ مینا جتاتی ہے یہ رندوں کو <br />کہ ہوش اپنے سنبھالو دور میں پیمانہ آتا ہے <br />مچلنا رُوٹھنا بے چین دِل کا اِک تماشہ ہے <br />یہ وہ عاشق ہے جس کو نازِ معشوقانہ آتا ہے <br />بہار آنے پہ سب لیتے ہیں رستہ باغ و صحرا کا <br />جو کچھ بھی ہوش رکھتا ہے سُوئے میخآنہ آتا ہے <br />کوئی ساغر بکف ہے کوئی محوِ چشمِ ساقی ہے <br />ہمارے ہاتھ دیکھیں کونسا پیمانہ آتا ہے <br />تجھے تو شوقِ مے نوشی ہے مجھ کو رشک اسکا ہے <br />ترا منہ چومنے کو دم بدم پیمانہ آتا ہے <br />مزے لیتے ہوئے جاتے ہیں تیرے مست کعبے کو <br />ٹھہر جاتے ہیں رستے میں جہاں میخانہ آتا ہے <br />مشیّت جب یونہی ٹھہری تو میری کیا خطا ناصح <br />حرم کو ڈھونڈتا ہوں سامنے بُتخانہ آتا ہے <br />حواس آئے ہوئے پھر کھو دئے لیلٰی نے مجنوں کے <br />یہ کہنا تازیانہ تھا مرا دیوانہ آتا ہے <br />رسائی کی ہوس تجھ کو ہے اے دِل سوچ لے اِتنا <br />کہ زُلفِ یار تک صد چاک ہو کر شانہ آتا ہے <br />جلیل اس سے پتہ چلتا ہے دِل کی بیقراری کا <br />کہ لب پر شعر جو آتا ہے بےتابانہ آتا ہے <br />کلام حافظ جلیل حسن مانک پوری <br />محفلِ سماع حاجی محبوب علی مشتاق علی گولڑہ شریف <br />دل کی گہراوں سے شکرایہ ادا کرتا ہوں اپنے پیر سائیں کی نوازش کا <br />آپ کی دعاؤں کا طالب سید شاہد محی الدین بخاری <br />presented by syed shahid mohy ud din & khalid shaham
