ہم سا بھی ہو گا-کلام پیر نصیر الدین نصیر-قوال فتح علی پاک پتن شریف <br /> <br />ہم سا بھی ہو گا نہ جہاں میں کوئ ناداں جاناں <br />بے رخی کو بھی جو سمجھے تیرا احساں جاناں <br /> <br />جب بھی کرتی ہے میرے دل کو پریشاں دنیا <br />یاد آتی ہے تیری زلف پریشاں جاناں <br /> <br />میں تیری پہلی نظر کو نہیی بھولا اب تک <br />آج بھی دل میں ہے پیوست وە پیکاں جاناں <br /> <br />مجھ سے باندھے تھے بنا کر جو ستاروں کو گواە <br />کر دیے تو نے فراموش وە پیماں جاناں <br /> <br />کبھی آتے ہوۓ دیکھوں تجھے اپنے گھر میں <br />کاش پورا ہو میرے دل کا یہ ارماں جاناں <br /> <br />اک مسافر کو تیرے شہر میں موت آئ ہے <br />شہر سے دور نہیی گور غریباں جاناں <br /> <br />یہ تیرا حسن یہ بے خود سی ادائیں تیری <br />کون رە سکتا ہے ایسے میں مسلماں جاناں <br /> <br />کیوں تجھے ٹوٹ کے چاہے نہ خدائ ساری <br />کون ہے تیرے سوا یوسف دوراں جاناں؟ <br /> <br />جاں بلب، خاک بسر، آە بہ دل خانہ بدوش <br />مجھ سا کوئ بھی نہ ہو بے سر و ساماں جاناں <br /> <br />یہ تو پوچھ اس سے جس پر یہ بلا گزری ہے <br />کیا خبر تجھ کو کہ کیا ہے شب ہجراں جاناں؟ <br /> <br />یہ وە نسبت ہے جو ٹوٹی ہے نہ ٹوٹے گی کبھی <br />میں تیرا خاک نشیں، تو میرا سلطاں جاناں <br /> <br />وە تو اک تمہارا تھا کہ آڑے آیا <br />ورنہ دھر لیتی مجھے گردش دوراں جاناں <br /> <br />کیا تماشا ہو کہ خاماش کھڑی ہو دنیا <br />میں چلوں حشر میں کہتے ہوۓ جاناں جاناں <br /> <br />در پہ حاضر ہے تیرے آج نصیرعاصی <br />تیرا مجرم تیرا شرمندە احساں جاناں <br /> <br />کلام الشیخ پیر نصیر الدین نصیرجیلانی رحمتہ اللہ علیہ گولڑہ شریف <br />.اپ کی دعاؤں کاطالب سید شاہد محی الدین بخاری
