محبت <br /> <br /> <br /> <br />عروس شب کي زلفيں تھيں ابھي نا آشنا خم سے <br />ستارے آسماں کے بے خبر تھے لذت رم سے <br />قمر اپنے لباس نو ميں بيگانہ سا لگتا تھا <br />نہ تھا واقف ابھي گردش کے آئين مسلم سے <br />ابھي امکاں کے ظلمت خانے سے ابھري ہي تھي دنيا <br />مذاق زندگي پوشيدہ تھا پہنائے عالم سے <br />کمال نظم ہستي کي ابھي تھي ابتدا گويا <br />ہويدا تھي نگينے کي تمنا چشم خاتم سے <br />سنا ہے عالم بالا ميں کوئي کيمياگر تھا <br />صفا تھي جس کي خاک پا ميں بڑھ کر ساغر جم سے <br />لکھا تھا عرش کے پائے پہ اک اکسير کا نسخہ <br />چھپاتے تھے فرشتے جس کو چشم روح آدم سے <br />نگاہيں تاک ميں رہتي تھيں ليکن کيمياگر کي <br />وہ اس نسخے کو بڑھ کر جانتا تھا اسم اعظم سے <br />بڑھا تسبيح خواني کے بہانے عرش کي جانب <br />تمنائے دلي آخر بر آئي سعي پيہم سے <br />پھرايا فکر اجزا نے اسے ميدان امکاں ميں <br />چھپے گي کيا کوئي شے بارگاہ حق کے محرم سے <br />چمک تارے سے مانگي ، چاند سے داغ جگر مانگا <br />اڑائي تيرگي تھوڑي سي شب کي زلف برہم سے <br />تڑپ بجلي سے پائي ، حور سے پاکيزگي پائي <br />حرارت لي نفسہائے مسيح ابن مريم سے <br />ذرا سي پھر ربوبيت سے شان بے نيازي لي <br />ملک سے عاجزي ، افتادگي تقدير شبنم سے <br />پھر ان اجزا کو گھولا چشمہء حيواں کے پاني ميں <br />مرکب نے محبت نام پايا عرش اعظم سے <br />مہوس نے يہ پاني ہستي نوخيز پر چھڑکا <br />گرہ کھولي ہنر نے اس کے گويا کار عالم سے <br />ہوئي جنبش عياں ، ذروں نے لطف خواب کو چھوڑا <br />گلے ملنے لگے اٹھ اٹھ کے اپنے اپنے ہمدم سے <br />خرام ناز پايا آفتابوں نے ، ستاروں نے <br />چٹک غنچوں نے پائي ، داغ پائے لالہ زاروں نے
