إسم الأغنية: لو كان الواقع لوحة <br /> <br />كل مغاربة لي فلكون....السلام عليكم <br />المتمرد حتى لكفن ييه...معكم مسلم <br />واش آعشيري...تخيل معيا الواقع فحال شي لوحة وأنا الرسام <br />تخيل معيا شني نقدر نرسم آلخوا ديالى <br />ييه <br /> <br />لوكان الواقع لوحة لو كنت أنا الرسام <br />نرسم بكل الألوان نرسم كل الأحلام <br />نرسم من طنجة حتى لڭويرة كلشى هايز لعلام <br />نرسم بلادي زادت ألف خطوة نلقدام <br />نرسم شحال من مدرسة أطفال في يدم لقلام <br />كولشي قاري و خدام ....الأمية غير أوهام <br />البطالة غير كلام ف لسان الناس لقدام <br />لاسرقة لا إجرام...الوقار ولإحترام <br />نرسم سبطرات كبار دلعيين فكل مكان <br />دكاترة بزاف والشعب يتداوا بالمجان <br />نرسم البرلمان وناس فيهم الأمان <br />خدمين نهار وليل باش أنا نعيش مزيان <br />نرسم ولد الدريوش يقري مع ولد فلان <br />ولفرق لكين بينتم نوقاط دلإمتيحان <br />نرسم عيون بلا دموع وقلوب بلا أحزان <br />نرسم و نزيد نرسم مادام عندي الألوان <br /> <br /> <br />نرســـــم نهار وليل...نرســــم أحـــلامــي ألوان تسيل <br />حـتي إذا كان لـون قلـيل... نرسم بـدمي حـتي نـآخر ميـل <br /> <br /> <br />نرسم أخر طفل خرج من دار اليتامة <br />شبرين فيدو ناس رسمو على وجهو الإبتسامة <br />نرسم أخر طفلة كانت فالديور خدامة <br />ودابا في يدا الكتوب ومشيا تقرا بكل كرامة <br />ونرسم شوارع كبار...فضاآت لي الترفيه <br />فكل حومة نرسم ملعب ودراري يلعبو فيه <br />نرسم كورنيش طويل بلا كزينو وبلا بار <br />نرسم شحال من جامع مفتوح ليل ونهار <br />نرسم بنت بلادي سترة راسة بالحجاب <br />نرسم شاب ناوي الخير قاصد الباب <br />نرسم طريق ما فيها زبل وما فيها حفاري <br />نرسم مواطن غير طاح والإسعاف ماجي جاري <br />نرسم درويش خارج من السوق بالقوفة عامرا <br />راجاع ندارو يضحك الباراكة باقا حاضرا <br />نرسم المسكين خلص الضاو والماء وخرج نشطان <br />ونرسم جار فرحان حيت جارو بات شبعان <br /> <br /> <br />نرســـــم نهار وليل...نرســــم أحـــلامــي ألوان تسيل <br />حـتي إذا كان لـون قلـيل... نرسم بـدمي حـتي نـآخر ميـل <br /> <br /> <br />نرسم حوانت نلي رزقوا مفرش غير فالأرض <br />ملاجئ نلي ناعس فالبرودا ومغاطي بالبرد <br />نرسم ديور نلي باقي ساكنين غير فالبرارك <br />نرسم مشروع نلي باقي يفكر يمشي حارك <br />نرسم مدير د الحبس مهلي فالحباسا <br />مسجون فيدو ديبلوم فالمجتمع عندو بلاسا <br />نرسم فكل الحوام سبيطار للمدمنين <br />نرسم المحسنين يعطيو حق المساكين <br />نرسم ناس من جميع الفئات كولشي ماشي يصوت <br />نرسم المضلوم يرجعلوا حقو بلا ميغوت <br />نرسم موظف عادي قادر يعيش أسرة <br />ونرسم الزبال يتخلص أحسن أجرة <br />نرسم مغربي مغرب وعندو المغرب فالدم <br />نرسم بلادي معولا على لي باغي يخدم <br />ونرسم رسام راسم راسو يحلم بلي بلادو لوحة وباغا لي يرسم <br /> <br /> <br />نرســـــم نهار وليل...نرســــم أحـــلامــي ألوان تسيل <br />حـتي إذا كان لـون قلـيل... نرسم بـدمي حـتي نـآخر ميـل <br /> <br />للمزيد من الفيديوهات <br /> <br />http://www.vimeo.com/tzsamir <br /> <br />http://www.youtube.com/TheEmigro
