Ek main hi to nahin teri muhabbat ka gunahgar, <br />Is ghar ki har ek shay hai teri yad men beemar. <br />Takiye se teri zulf ki khushboo nahin nikli, <br />Chadar tere rukhsar ki lali se hay gulzar. <br />Jisne tere honto se churai the gulabi, <br />Woh jama abhi tak hay usi lams se sarshar. <br />Phenke they jahan choori ke tootey huye tukre, <br />Dekh aaj bhi rangeen hay wo gosha-e-deewar. <br />Khoonti pe jo kamre men kabhi tanga tha toone, <br />Ab bhi wohin maujood hay go sookh gaya har. <br />Jalwey tere paikar ke na dekhe gaye jinse, <br />Woh khidki ki palken hain usi tarah hayabar. <br />Kamre ki ki fizaon men abhi tak hay basi too, <br />Is dil ko abhi tak hay teri chah ka azar. <br />Bahar to nikal hal ke is jal se ekdin, <br />Mazi ke jharokon men kabhi jhank to ek bar. <br />Woh pehla sa andaz liye bhi kabhi aaja, <br />Waise to mere kamre aati hay too sau bar. <br />Honton pe tabassum ho larazte hon tere hath, <br />Dawat ho nigahon men zuban karti ho inkar. <br />Khamosh ho too aur tera paikar ho ghazalkhan, <br />Sanson se tere dil ki nikalti huyee jhankar. <br />Ab bhi teri aankhon se chalakti hain sharaben, <br />Ab bhi teri zulfon se moattar hay shab-e-tar. <br />Katrata hay mahtab tere gore badan se, <br />Hain aaj bhi phoolon ke liye khar yeh rukhsar. <br />Jis dunya ne mujhse tujhe begana kiya hay, <br />Us duniya se pal bhar keliye ho kabhi bezar.<br /><br />Akhtar Jawad<br /><br />http://www.poemhunter.com/poem/yad-e-mazi/
