TUNE--_'Johnnie Faa.'_ <br /> <br /> <br />A wee bird cam to our ha' door, <br />He warbled sweet an' clearly, <br />An' aye the owercome o' his sang <br />Was, 'Waes me for Prince Charlie.' <br />Oh! whan I heard the bonnie soun', <br />The tears cam drappin' rarely; <br />I took my bannet aff my head, <br />For weel I lo'ed Prince Charlie. <br /> <br />Quoth I, 'My bird, my bonnie, bonnie bird, <br />Is that a sang ye borrow? <br />Are thae some words ye 've learnt by heart, <br />Or a lilt o' dule an' sorrow?' <br />'Oh, no, no, no!' the wee bird sang, <br />'I 've flown sin' mornin' early, <br />But sic' a day o' wind and rain!-- <br />Oh! waes me for Prince Charlie. <br /> <br />'On hills that are by right his ain, <br />He roves a lanely stranger; <br />On every side he 's press'd by want, <br />On every side is danger. <br />Yestreen I saw him in a glen, <br />My heart maist burstit fairly, <br />For sadly changed indeed was he-- <br />Oh! waes me for Prince Charlie. <br /> <br />'Dark night cam on, the tempest roar'd <br />Loud o'er the hills an' valleys; <br />An' whare wast that your Prince lay down, <br />Whase hame should been a palace? <br />He row'd him in a Highland plaid, <br />Which cover'd him but sparely, <br />An' slept beneath a bush o' broom-- <br />Oh! waes me for Prince Charlie.' <br /> <br />But now the bird saw some red-coats, <br />An' he shook his wings wi' anger: <br />'Oh! this is no a land for me, <br />I 'll tarry here nae langer.' <br />He hover'd on the wing a while, <br />Ere he departed fairly; <br />But weel I mind the farewell strain <br />Was, 'Waes me for Prince Charlie.'<br /><br />William Glen<br /><br />http://www.poemhunter.com/poem/waes-me-for-prince-charlie/
