Jou het ek as mede kind van God leer ken, <br />Maar gou het jy my hart kom wen <br />En het ek 'n ware vriend in jou gevind, <br />Onsigbare bande het ons aan mekaar verbind. <br />Bande te sterk om teen te veg en te stry, <br />Bande verbind aan 'n vriend van God verkry. <br /> <br />My vriend ek dank ons Vader elke dag vir jou, <br />Dat Hy aan my 'n getroue vriend soos jy kon toe vertrou, <br />Hoeveel jy vir my beteken sal geen woorde ooit kan beskryf. <br />Slegs woorde aan God uit 'n hart van dankbaarheid gedryf, <br />Sal ooit my dankbaarheid vir jou, my vriend kan bewys, <br />In tye as ek God, vir wie jy is, kan loof en prys! <br /> <br />Dankie vir die vriend wat jy op die oomblik vir my is, <br />Met 'n vriendskap wat nie eers die dood sal kan uitwis. <br />Jy's 'n vriend wat ek weet ek kan waarlik vertrou, <br />En ek bid God dat ek jou vriendskap vir ewig sal behou, <br />En dat ons vriendskap mag groei, dag na dag, <br />Of ons nou gaan deur tye waar ons huil, treur of lag. <br /> <br />Mag ons vriendskap in elke aspek strek tot verheerliking van ons Vader, <br />Sodat ons enige tyd saam, met vrymoedigheid tot Hom in gebed kan nader. <br />Ek bid dat God die middelpunt van ons vriendskap sal wees, <br />En dat ons Hom saam sal dien met ons hart, siel en gees, <br />Dat ons saam in God se koninkryk sal dien, <br />En andere Christus in ons vriendskap sal sien. <br /> <br />(2003 onwards c',))<br /><br />Marien Jacobs<br /><br />http://www.poemhunter.com/poem/aan-n-vriend/
