Pan-aasinan nen panaon ya inmuna, <br />..malaem ed yaman-dayat tan arum ni ‘ra <br />..ya makana’n tagano na laman da’y lapag <br />..ya too’d sakop to tan arum ni ya dapag. <br />Anduyan da’y mabayani’n manangilaban <br />..na dayew tan kareenan tan kawayangan, <br />..di Urduja, Malong, Palaris, tan dakel ni, <br />..kontra ed saray dayo’n malamang, malasi. <br />Natan, sakey la’d saray maaliguas ya luyag <br />..ed tibukel ya Filipinas tan nibabawag <br />..ya maong a panayaman, pangiletnegan <br />..na pamilya, tan lugar ya panpoonanan. <br />Genap la’n mataluna’d dakel ya aspeto, <br />..obras publicas, educasion, tan turismo, <br />..industria, agrikultura, tan kadalanan, <br />..economia, comercio, tan abig-laman. <br />Anggapo la ngali lugar ya ag nasabi, <br />..manbiahe man anto’n oras, agew o labi, <br />..dalan aspaltado o sementado lanti, <br />..bilunget naandi ed silew de kuryente. <br />Say sakit ag la masyado’n pakapagaan, <br />..tambalan asingger, iner ma’y kawalaan, <br />..arum ni ed saray regionalal tan provincial, <br />..wala’y ondarakel ya district hospital. <br />Istoryaen so komersio tan say negosyo, <br />..wala la’y dakel, maliket la ‘ray totoo, <br />..dinmakel so trabaho, bilay inmasenso, <br />..kaha’y bahley naaruman para’d servicio. <br />No educasion, ag natalo’y luyag natan, <br />..dakel la’y universidad tan escuelaan, <br />..completo so napanpilian ira’n kurso, <br />..singa medical, comercio, ono tekniko. <br />Agamoran a amin ya ed panamegley <br />..na apalabas laut la'd peles ya uley, <br />..kipapasen ed luyag, pinaaliguas da, <br />..pian napasimbalo’y bilay na totoo dia. <br />Nanengneng, arapen na luyag malinew la, <br />..masalindak to’n kurang, aga la nabaya, <br />..balet kaukula’y andi-tunda ya kimey, <br />..ta sukata’y aliguas lawas manatagey. <br /> <br />(Insulat nen 2011, koma-432 na inkiletneg <br />na Pangasinan bilang sakey a luyag na <br />Pilipinas.)<br /><br />Ferdinand L Quintos<br /><br />http://www.poemhunter.com/poem/pangasinan-sakey-a-lugay/
