ORIGIN OF MADUCAYAN <br />Melvin Banggollay <br /> <br />Inggo pun ey kar-argo <br />Ey nataguwen dahe tago <br />Awed kano sey tiempo <br />ippon makan da sey tago <br />Te ajipon namusvos da paguy <br />Assi at annat inggi ey kumatoy; <br />Adjuwen kanu da natoy <br />Mansasakit, man-uurangoy <br /> <br />Asse sanat, umawid da tago <br />Te anna pige e jummato <br />Utut e mangan asse pap-ayo <br />Assi at sakit ey mal-lipolipo; <br />Tineynan da kanu da gusi da <br />Asi at ajuwen ey parakson da <br />Asse liyang ad Garung ey kananda. <br />Kon awed kanu jua ey ansunod <br />Ey nateynan te ajida nakaunod <br />As dahe umayo ey man-uunud <br />Ad linayen ilin da susunod. <br /> <br />Nampu-uli da jua ad Linayen <br />Ey umivi-ivil ganas sey pudayen <br />te amud uret da asse daren <br />te ippon kinan da ganad Linayen <br />Jumatong dapon, ummoy se laraki <br />Man-ilas makan no awed inani <br />As dahe arang kon inamin da inggi <br />Urey da pap-ayow, namin da impati. <br /> <br /> <br />Inila napon ey awed se payow <br />Paguy na angkatuod ey nadaryow <br />Luknitan napon, anna ey nabgasan <br />Umani da pey at asida at mangan. <br />Jummakor da jua te anna se inani <br />Ey am-maan da pige ipakni-pakni <br />Ta aii aminun dahe utut ey inggi <br />Ganas vumaro ugon tiempo sey ili. <br /> <br />Vummaro pon sey anna ey tiempo <br />Annat da marungey ey tat-tago <br />Asse pudayen ey mangar-aryo <br />Man-ullalim pey da ujom ey jumallo. <br />At amud gey ragsak da man-ila <br />As dase jua ey teneynan da <br />Te anna met tut-uwa ey natago da <br />At anna ugon ey danakkur da. <br /> <br />Amud gey ragsak da aman ina da <br />Te anna inila da dase anak da <br />Ey nateynan asse umayowan da <br />sey tiempon inggi ey jummato gela. <br />At siana da umajo at Linayen anna <br />At da ujom umoy da ad Kalinga <br />Nangkiwaar at nan-anap as asawa <br />Aginggana umaju da asse kaluta-luta.<br /><br />MELVIN BANGGOLLAY<br /><br />http://www.poemhunter.com/poem/origin-of-maducayan/
