Sabi ng puso ko’y mahal daw kita. <br />Sabi ng isip ko’y huwag daw maniniwala. <br />Sabi nila ang dami-dami diyang iba, <br />Sa dami ng tao, bakit daw ikaw pa? <br /> <br />Hindi ko na kayang itago pa, ang nadaramang ito, <br />Ngunit sa tuwing nakikita ka’y pait ay naglalaho. <br />Hindi ko na alam kung ano pa'ng dapat gawin, <br />Upang ang ‘yong pagsinta’y pilit ng mapasaakin. <br /> <br />Mahal kita, mahal mo siya, mahal niya ay iba. <br />Hindi na alam ng puso ko, kung makakaya ko pa. <br />Nagtatanong ang isip, bakit daw nagpupumilit? <br />Gayong hindi alam, kung ako ding ba'ng iniisip. <br /> <br />Di bale na, bahala na, kahit pa ako'y nasasaktan na. <br />Basta't ikaw pa rin, ang siyang dinadalangin. <br />Gabi-gabing nagdarasal, sa may lalang na maykapal, <br />Na 'yong mapansin ang aking pagtingin...<br /><br />J.M. Española<br /><br />http://www.poemhunter.com/poem/mapansin-revised/
