Nanjengoko ndigqushalaza <br />Ndiding'esithebeni sobukhoboka, <br />Jac'elindim eliyintlabeli, <br />Lihlabela mgama womgabadeli, <br />Linquml'ihlathi kwezi nzikizane zenkungu, <br /> <br />Lath'ukudibana nomlisela, <br />Lanakan'iingcebiso zamava, <br />kuba liquma ihlazo lokwaphuka kwengqayi, <br />Ndixel'ukulityalwa kobungqonqo <br />beengcambu Zomth'egazi nobugquba, <br /> <br />Ath'obonayo ngalo mehlo, <br />Azidal'ubumfama kwisiNtu sethu, <br />Adlal'amaqhinga kuvalek'amehlo, <br />Kanti kungaxesha egqubungelwe yinkolo yobugqakhwe, <br />Kanti ngokunganqandeki ubhentsela ibhekile yoobawomkhulu, <br /> <br />Zingamaqaqawuli ngoluthwana lazo, <br />Ndixel'ubuchaka kwize zabo zenzalo, <br />Kuba kaloku zazile izinyanya ngolu lunya, <br />Zagqejw'imfe zatsho zibuyelela, <br />Walithwasa sele exhweleza ongumNtu, <br />Kant'amagqwirha ayazibulal'iinkomo zethu, <br />Ewe! Ndixela Ilifa Lethu, <br /> <br />Mna Ngobam ubuNtu ndakurhuba ndinguZazi, <br />Ngolwazi lwam nditsho ndibhabhe, <br />Ndandul'ukunqula uQamata wezinyanya, <br />Ndingelilo ke ihlazo nakumanyange, <br />Ndingqisha kwakhona ndithi bobam ubuntu! <br />Ndiphinde kwakhona ndithi bobam obu buhle!<br /><br />Anele ''The African Son'' kaPotelwa<br /><br />http://www.poemhunter.com/poem/bubuntu-obo/
