Zakuphel'iintsuku, <br />Lakutshon'ilanga, <br />Iintsunguzi ziphembelela emandleni, <br />Ixesha lindishiy'ematyeni, <br /> <br />ndakufun'isonka endasiphiwa emaZizini, <br />ndakukhumbula ubisi endalusezwa libele lentombi yasemaTolweni, <br />mna ndodwa ndakukhumbula amazwi endawanikwa lixhewukazi lasebaThenjini, <br />ndivume ingoma endayifundiswa yinkondekazi yasemaZangweni <br /> <br />lakufika ixesha lamaxesha, <br />apho ndakube ndisazi umehluko komdala nomtsha, <br />apho ndakube ndisazi umehluko kumlisela nomthinjana, <br />apho ndakugqisha ndivume ukuba intlonelo yintlonelo, <br />ndibike kumazwe nesizwe ukuba intlonipho yintlonipho, <br /> <br />lakukhanya ilanga, <br />ngakum zizakuvula izibhakabhaka, <br />inene kuzakucaca impumelelo endiyifungelweyo, <br />ikant'emhloph'ehlungwini, <br /> <br /> elam lelokungqiyama ngentlonipho, <br />ndandule ukucondoba ngentlonelo, <br />kuba ngamayeza lawo endawasezwa ngabadala, <br />kuba kaloku lamachiza awamadala koko andandisela iintsuku zama kulomgquba ukrakrayo, <br /> <br />isitshixo sam sokuvul'amasango, <br />ibhayi lam lokombatha ndithozame, <br />intonga yam yokusimelela, <br /> kuthwa yintlonelo, <br />yona iyintlonipho<br /><br />Anele ''The African Son'' kaPotelwa<br /><br />http://www.poemhunter.com/poem/intlonipho/
