قوانین محبت سے بغاوت ، میں نہیں کرتا <br />شکایت ہو بھی تو اس سے شکایت، میں نہیں کرتا <br />جہاں میری سند پاؤ وہیں ایمان لے آؤ <br />حدیث عشق اوروں سے روایت، میں نہیں کرتا <br />ہمارے پیار کی تم پیش کش منظور کر ڈالو <br />کہ ہر اک شخص پہ ایسی عنایت میں نہیں کرتا <br />تری یہ بزدلی، خوش قسمتی ہے اے مرے دشمن! <br />ہو دشمن بھی برابر تو رعایت میں نہیں کرتا <br />محبت تیرا اب میں کیا کروں گا؟جا کسی کہ ہو <br />محبت باز آ، جا جا محبت میں نہیں کرتا <br />خرد ہو مدعی، آنکھیں گواہ، اور جرم تیرا ہو <br />تو پھر دل کی عدالت میں سماعت میں نہیں کرتا <br />عامر امیرؔ
