‘L'epitaphe en forme de ballade <br />que feit Villon <br />pour luy et pour ses compaignons, <br />s'attendant estre pendu avec eulx’. <br /> <br /> <br />À <br />Serge Venturini <br /> <br /> <br />‘Mon povre cueur vous laisse… <br />Adieu vous dy la lerme à l’œil.’ <br /> <br />Extrait du Rondel – VIII, attribué à François Villon. <br />http://fr.wikisource.org/wiki/Adieu_vous_dy_la_lerme_%C3%A0_l%E2%80%99%C5%93il <br /> <br /> <br />Frères humains qui après nous vivez <br />N'ayez les cueurs contre nous endurciz, <br />Car, ce pitié de nous pouvres avez, <br />Dieu en aura plustost de vous merciz. <br />Vous nous voyez cy, attachez cinq, six <br />Quant de la chair, que trop avons nourrie, <br />Elle est pieça devorée et pourrie, <br />Et nous les os, devenons cendre et pouldre. <br />De nostre mal personne ne s'en rie: <br />Mais priez Dieu que tous nous veuille absouldre! <br /> <br />Se frères vous clamons, pas n'en devez <br />Avoir desdaing, quoyque fusmes occiz <br />Par justice. Toutesfois, vous sçavez <br />Que tous hommes n'ont pas bon sens rassiz; <br />Excusez nous, puisque sommes transsis, <br />Envers le Filz de la Vierge Marie, <br />Que sa grace ne soit pour nous tarie, <br />Nous preservant de l'infernale fouldre <br />Nous sommes mors, ame ne nous harie; <br />Mais priez Dieu que tous nous vueille absouldre! <br /> <br />La pluye nous a debuez et lavez, <br />Et le soleil dessechez et noirciz: <br />Pies, corbeaulx nous ont les yeulx cavez <br />Et arrachez la barbe et les sourciz. <br />Jamais nul temps nous ne sommes assis; <br />Puis ca, puis la, comme le vent varie, <br />A son plaisir sans cesser nous charie, <br />Plus becquetez d'oiseaulx que dez à couldre. <br />Ne soyez donc de nostre confrairie; <br />Mais priez Dieu que tous nous vueille absouldre! <br /> <br />Prince Jhésus, qui sur tous a maistrie, <br />Garde qu'Enfer n'ayt de nous seigneurie: <br />A luy n'ayons que faire ne que souldre. <br />Hommes, icy n'a point de mocquerie; <br />Mais priez Dieu que tous nous vueille absouldre! <br /> <br /> <br />Illustration : <br />‘Au bord des larmes’ - Tearful <br /> <br />‘My sad heart leaves you ... <br />Farewell! the tears are in my eyes’ <br />(François Villon) <br /> <br />Photo : Lady_K, 11 décembre 2005 <br />Sous licence CC BY-NC 2.0 <br />https://www.flickr.com/photos/krista_g/72327625/ <br /> <br /> <br />Pour une écoute plurielle : <br />Léo Ferré – Frères humains <br />https://www.youtube.com/watch?v=m91kHnqQEis <br /> <br />Bernard Lavilliers <br />https://www.youtube.com/watch?v=uXOXLxVu_q8 <br /> <br />Vive Voix – Wheaton College avec <br />- Peter Marquis ; <br />- Jean Deschamps ; <br />- André Nerman. <br />http://wheatoncollege.edu/vive-voix/poemes/ballade-des-pendus/
