For your suggests and feedback for my more videos Follow me at Facebook.. <br />www.facebook.com/AliSulehri11 <br />Ajab Din Thay Mohabbat ke <br />Ajab mousam thay chahat ke <br />Kabhi gar yad aa jayein tu palkon <br />par sitary jhilmilaty hain <br /> <br />Kisi ki yaad mein raaton ko <br />aksar jagna mamool tha apna <br />Kabhi gar neend aa jati tu <br />hum yeh soch lete thay <br /> <br />Abhi tu vo hamary wasty <br />roya nahi hoga <br />Abhi soya nahi hoga! <br />Abhi hum b nahi rote <br />Abhi hum b nahi sote <br /> <br />So phir hum jagte aur usko yaad karty thay <br />Akaile baith kar veeran dil abad karte thay <br />Hamare samney taaron k jhurmat <br />mein akaila chand hota tha <br /> <br />Jo uske husn k agay bohat hi mand hota tha <br />Falak par raqs karte an gint sitaron ko <br />Jo hum tarteeb dete thay <br />To uska naam banta tha <br /> <br />Hum agle roz jab milte tu guzri raat ki <br />har be kali ka zikr karte thay <br />Har ik qissa sunate thay <br />Kahan,kis waqt,kis tarah se <br />dil dharka batate thay <br />Main jab kehta k "jaana"Main <br />aaj raat ik pal b nahi soya <br />To wo khamosh rehti thi <br />Par uski neend mein doobi do jheel si aankhein <br />Achanak bol uthtii thin <br />Main jab usko batata tha <br />K raat ko roshan sitaron mein tumhara naam dekha hay <br /> <br />Tu wo kehti <br />Nahi tum jhoot kehty ho <br />Sitare main ne dekhy thay <br />Aur un roshan sitaron mein tumhara naam likha tha <br />Ajab masoom larki thi <br />Mujhay kehti thi <br />Mujhay lagta hay k ab apny sitare mil hi jayein ge <br /> <br />Magar usko khabar kya thi <br />Kinare mil nahi sakte <br />Mohabbat ki kahani mein <br />Mohabbat karne walon ke <br />Sitare mil nahi saktey
