لگا ہے جان کو جو روگ جانے والا نہیں <br />مجھے پتہ ہے کہ اب تُو منانے والا نہیں <br />مکان دل میں کوئی آکے بس گیا آسیب <br />وہ جانتا ہے یہاں کوئی آنے والا نہیں <br />مجھے لگا تھا وہ سب کچھ بھلا کے آئے گا <br />مجھے نہیں تھا پتہ وہ بھلانے والا نہیں <br />بُلا رقیب کبھی اپنے گھر محبت سے <br />دیکھ میدان میں میں ہار جانے والا نہیں <br />رہی ہے عشق کی اس گھر میں ریل پیل کبھی <br />اور اب تو گھر میں کوئی بھی کمانے والا نہیں <br />جہاں ناں دوستی ناں دشمنی وہ جنت کیا؟ <br />جہاں کسی کو کوئی آزمانے والا نہیں <br />ناں اتنا پیار کیا کر مجھے کہ کچھ بھی ہو <br />مرے معیار پے تُو پورا آنے والا نہیں <br />دیکھ کے چال چلن دل کے مجھے لگتا ہے <br />کبھی یہ عشق کو گھر میں بسانے والا نہیں <br />ملا وہ خواب میں مجھ کو کئی دنوں کے بعد <br />مگر وہ خواب کسی کو سنانے والا نہیں <br />عامر امیرؔ
