گناہ کیا ہے؟ حرام کیا ہے؟ حلال کیا ہے؟ سوال یہ ہے! <br />مجھے محبت سے کوئی روکے مجال کیا ہے؟ سوال یہ ہے ! <br />وفا بھی میری،ادا بھی میری، دغا بھی میری، جفا بھی میری <br />تو پھر محبت میں یار تیرا کمال کیا ہے؟ سوال یہ ہے ! <br />ہیں بال بکھرے، ہے چال بہکی، یہ کون ہے آئینے میں میرے؟ <br />اور اس سے بڑھ کر کہ اس کے گالوں پہ لال کیا ہے؟ سوال یہ ہے! <br />تو حسن کی سلطنت کی مالک، تو عشق کے شہنشاہ کے لائق <br />ہمارے بارے میں پھر بھی تیرا خیال کیا ہے؟ سوال یہ ہے ! <br />وہ پاس آ کے یہ کہہ رہا ہے ، کہ آج کچھ بھی سوال کر لے <br />میں اتنا سادہ کہ سوچتا ہوں سوال کیا ہے؟ سوال یہ ہے! <br />رقیب! میں جیتنے سے پہلے، یہ آخری بار پوچھتا ہوں <br />نکالنا تھاجو سانپ تو نے نکال کیا ہے؟ سوال یہ ہے! <br />تمہارے ہاتھوں کی یہ لکیریں، تمہارا اپنا نصیب ہیں نا؟ <br />جو ہاتھ میں ہو نصیب اپنا، محال کیا ہے؟ سوال یہ ہے ! <br />عامر امیر <br /> <br />urdu shaeri, hindi shaeri, hindi poetry, urdu poetry, ghazal, shaeri, amer ameer, urdu mehfil, bazmesherosukhan, bazm e sher o sukhan, amir ameer
