МЕЃАШИ ГО ОДБЕЛЕЖА МЕЃУНАРОДЕН ДЕН НА МИРОТ <br />ТВ ТЕЛМА 21 СЕПТЕМВРИ 2014 <br />ПРВАТА ДЕТСКА АМБАСАДА ВО СВЕТОТ МЕЃАШИ ОРГАНИЗИРАШЕ МАРШ НА МИРОТ <br /> “Постојано треба да се преиспитуваме во какво општество сакаме да живееме”- додава Ана Битољану. <br />“Важен е овој ден и важни ни се мали чекори кои ќе не хранат”- потенцира Албулена Карага. <br />Чекорењето за мир со пароли во раце започна од спомен куќата на мајка Тереза, а заврши пред Владата на Република Македонија. <br />Одиме затоа што не сакаме да седиме. Одиме затоа што така сме повеќе заедно. Одиме затоа што сакаме да се радуваме едни со други.- велат од граѓанскиот сектор. Меѓу паролите беа и овие- Биди промената што сакаш да ја видиш во светот, Сакам мир и нема да бидам мирна. <br />Дојдете на Марш за мир – особено ако не ви се доаѓа, ако не ви се допаѓа името, ако не верувате дека до мир се доаѓа со одење. Дојдете и ако ви се допаѓа идејата. Ова не е марш за мирот и е Марш за мир. Ова е знак дека не боли неправдата, насилството во училиштето и семејството, недостатокот на солидарност, корупцијата и клиентелизмот. Не боли страдањето во Газа и војните во Украина и Сирија. Не боли немилосрдното сечење на шумите во Амазонија, не боли што „развитокот„ доведе до климатски промени и поплави. <br />Одиме затоа што не сакаме да седиме. Одиме затоа што така сме повеќе заедно. Одиме затоа што сакаме да се радуваме едни со други. Не ве викаме на жалопојки и безнадежност, ве викаме да се придружите на милиони луѓе со кои заедно во недела ќе ја одбележиме нашата потреба за мир. А мир за нас е весело училиште во кое децата се одгледуваат да бидат одговорни и самостојни граѓани и граѓанки а не послушни потрошувачи, мир е за нас етничка различност како богатство, мир е кога не даваме добротворна помош на сиромашните туку работиме да нема сиромаштија. Слободни медиуми се мир за нас, одговорни и од граѓаните контролирани политичари, повеќе жени на одговорни позиции, сето тоа е мир за нас. <br />Ако не се согласувате со нас, исто така дојдете. Мир не е едноумие туку постојан дијалог и борба и конфликт – но со почитување и без насилство. <br />Дојдете заедно да се радуваме и да кажеме Марш на празниот збор „мир„ а добредојде на соработката и љубовта.
