جگر مراد آبادی صاحب کی نایاب ویڈیو <br />کلامِ شاعر با زبانِ شاعر: جگر مراد آبادی <br />دنیا کے ستم یاد نہ اپنی ہی وفا یاد <br />اب مجھ کو نہیں کچھ بھی محبت کے سوا یاد <br /> <br />میں شکوہ بلب تھا مجھے یہ بھی نہ رہا یاد <br />شاید کہ مرے بھولنے والے نے کیا یاد <br /> <br />کیا جانیے کیا ہو گیا ارباب جنوں کو <br />جینے کی ادا یاد نہ مرنے کی ادا یاد <br /> <br />جب کوئی حسیں ہوتا ہے سرگرمِ نوازش <br />اس وقت وہ کچھ اور بھی آتے ہیں سوا یاد <br /> <br />میں ترکِ رہ و رسمِ جنوں کر ہی چکا تھا <br />کیوں آ گئی ایسے میں تری لغزشِ پا یاد <br /> <br />مدت ہوئی اک حادثۂ عشق کو لیکن <br />اب تک ہے ترے دل کے دھڑکنے کی صدا یاد <br /> <br />کیا لطف کہ میں اپنا پتہ آپ بتاؤں <br />کیجیے کوئی بھولی ہوئی خاص اپنی ادا یاد <br />بندہِ نصیر سید شاہد محی الدین بخاری