Fhir a' bhàta, na hóro eile <br />Fhir a' bhàta, na hóro eile <br />Fhir a' bhàta, na hóro eile <br />Mo shoraidh slàn leat 's gach àit' an téid thu <br />'S tric mi sealltainn on chnoc as àirde <br />Dh'fheuch am faic mi fear a' bhàta <br />An tig thu 'n-diugh na 'n tig thu màireach <br />'S mar tig thu idir gur truagh a ta mi <br />Tha mo chridhe-sa briste brùite <br />'S tric na deòir a ruith o m' shùilean <br />An tig thu nochd na 'm bi mo dhùil riut <br />Na 'n dùin mi 'n doras le osna thùrsaich? <br />'S tric mi faighneachd de luchd nam bàta <br />Am fac' iad thu na 'm bheil thu sàbhailt <br />Ach 's ann a tha gach aon dhiubh 'g ràitinn <br />Gur gòrach mise ma thug mi gràdh dhut <br />Gheall mo leannan dhomh gùn dhen t-sìoda <br />Gheall e siud agus breacan rìomhach <br />Fàinn' òir anns am faicinn ìomhaigh <br />Ach 's eagal leam gun dèan e dìochuimhn' <br />Ged a thuirt iad gun robh thu aotrom <br />Cha do lughdaich siud mo ghaol ort <br />Bidh tu m' aisling anns an oidhche <br />Is anns a' mhadainn bidh mi 'gad fhaighneachd <br />Thug mi gaol dhut 's chan fhaod mi àicheadh <br />Cha ghaol bliadhna 's cha ghaol ràithe <br />Ach gaol a thòisich nuair bha mi 'm phàiste <br />'S nach searg a chaoidh gus an claoidh am bàs mi <br />Tha mo chàirdean gu tric ag innseadh <br />Gum feum mi d' aogas a leig' air dìochuimhn' <br />Ach tha 'n comhairle dhomh cho dìomhain <br />'S bi tilleadh mara 's i toirt lìonaidh <br />Bidh mi tuille tùrsach deurach <br />Mar eala bhàn 's i an dèidh a reubadh <br />Guileag bàis aic' air lochan feurach <br />Is càch gu lèir an dèidh a trèigeadh... <br />For more info; <br />(^_^)>http://en.wikipedia.org/wiki/Fear_a'_Bh%C3%A0ta <br />KGB
