mp3 https://soundcloud.com/oujda_sniper/3ach-yatim <br />https://fr-fr.facebook.com/pages/Oujda-Sniper-rap/308018655925044 <br />الدمعة الباكية .... وطفل صغير <br />مغرب بين دعاوي الام والحضن الحنين <br />طالب راجي فنضرة يتامل بقلب الملائكة ... <br />ولو من بعيد يتنفس يشم ريحت الوالدين <br />الصرخة الاولى والام فارقت لحياة <br />الحبل بينو وبينها تقطع دكريات <br />قبل ماتشوف ولدها فكفنها تلفات <br />لا دموع ولا نواح دفنوها فوصط الاموات <br />يتيم مكتوبة ليه العيشة فوق لرض <br />يكابر ويجيب اللقمة من شوك الورد <br />يتيم .. يكوفري لا فيولونص .. ليه نسينا <br />مواج هايجة لا بد تضرب السفينة <br />طفولة ناقصة كانت ليه فمركز ليتام <br />(دبور) كلنا عارفين كيفاه داك العلام <br />لقمع فالهدرة .. السكات حبس لكلام <br />ملامح الطفولة تكوي .. الاحلام فالضلام <br />دارت سنين هرب من الهم كان متهوم <br />عاصر فالزناقي بالليل يحسب فالنجوم <br />وعلاش مايكونش بحالو بحال ولاد الناس .. <br />والدين ودار بامرهم يكون محكوم <br />من البلية والدخان لحشيش وكاع السموم <br />الصحة توسخات .. المورال عامر بالهموم <br />والقطعة تلعب بيه يشفر يولي مخدوم <br />وهو باغي يغير الحالة عرفها مادوم <br />(الور ) تبع وشد طريق المرسى <br />طامع يحكم خدمة .. الاولى تكون ليه <br />يشغل ويلهي كل ماصعاب فالزمان <br />بالضحكة الحمرة تخرج من نسيان الكيان <br />والصورة دالام يتخيل كل مرة يرسمها <br />ولو جامي شافها لموهم حاول يفهمها <br />يقول .. بصوت القلب ناوي يكلمها <br />.. لومبغ .. ديال لمواج يرد عليه ويبلغو سلامها <br />شاف بلي حياتو تفوت وتصبح من الماضي <br />روتين يفكرو بالبلية واللسان قاضي <br />وكلام لمواج وصورة الام مابقاش يفهمو <br />(سيبالوجيك ) كيفاه بغيتو يكون راضي <br />عارف بلي مور لبحر كاينة بلاد <br />الدراهم فيها تراما حسن من بلاد هاد لكلاب <br />وجد بيان روحو هو و2 شباب <br />كانوا خوت عشران كتر من الصحاب <br />مع لفجر الدوفان قلع باينة عليهم خايفين <br />لعوم لغيوم دوسي نوار وهما شايفين <br />وعارفين لازم يتعاونوا كيما موالفين <br />وهازين كفوفهم لسما وهما راجيين <br />لينيرجي نقصات والجوع كان ليهم يدبر <br />بتلاتة عياو واحد فيهم ماقد يصبر <br />لمواج علات طاحوا فالبحر وتحد لعمر <br />سكنوا فيه وكان ليهم رحمة القبر <br />.............................................. <br />عاش يتيم .... جامي شم ريحت الولدين <br />لا كلمة ولا بسمة ولاحضن حنين <br />عاش يتيم .... شوفت الناس هم متبوع <br />فقلبو لحزين نارو تكوي بالشموع
