Bahut dino ki baat hai <br /> <br />Magar ab bhi mujhe yaad hai <br /> <br />Toot gayee thee sapno ki mala, bikhar gaye they uske manke <br /> <br />Lekin sambhal ke rakh liye they kuch lamhe maine apne man mein <br /> <br />Aaj adhoore sapno ko dariya mein bahaane ko jee chahta hai <br /> <br />Naa jaane kyon mera muskurane ko jee chahta hai! <br /> <br />Kuchh mausam aaj suhana hai <br /> <br />Ya dil mera thoda deewana hai <br /> <br />Is mausam ki thandak mein yaadon ki garmi mitane ko jee chahta hai <br /> <br />Baj gaye hain 11 lekin ab bhi main so raha hoon <br /> <br />Shayad bachpan ke Sundays aaj main dohra raha hoon <br /> <br />Bas aankhen moond poora din sustane ko jee chahta hai <br /> <br />Aankhen kholoon to deewaron pe lagey rishte hai <br /> <br />Wo alag baat hai rishton mein pad gayee deewaren hain <br /> <br />Aaj deewaron se sab rishte hatane ko jee chahta hai <br /> <br />Naa jaane kyon mera muskurane ko jee chahta hai! <br /> <br />Ehsaas hua hai aaj mujhe ke Zindagi badi suhaani hai <br /> <br />Waise bhi to Har cheez yahan pe faani hain <br /> <br />Ab purane zakhmon ki chita jalane ko jee chahta hai <br /> <br />Zindagi ko naye sirey se bitaane ko jee chahta hai <br /> <br />Naa jaane kyon mera muskurane ko jee chahta hai <br /> <br />Haan…Aaj mera muskurane ko jee chahata hai! !<br /><br />kaavyaa kriday<br /><br />http://www.poemhunter.com/poem/aaj-na-jaane-kyo-muskurane-ko-jee-chahta-hai/
