Aaj tune mujhe yeh ehasaas dilaya ke gaair to aakhir gaair hi hai, <br />Tere apne wohi hote hai jo saath tere sada rehate hai, <br />Tujhse mein bahut door hoon to apna hokar bhi hoon begaana, <br />Bina is baat ko samjhe ab tak bahut kuch keha chukka hoon Deewana. <br /> <br />Chahe dil mein ho mohabbat kitni bhi yeh dooriyan nahin mit paayegi, <br />Dono dilon ke pyaar bhi kabhi is doori ko nahin mita paayegi, <br />Aaj tumne mujhe yeh samjha di ke mein door desh ka rehane waala hoon, <br />Karta hoon mein mohabbat tumse to kya mein to bas ek Deewana hoon. <br /> <br />Har pal tumahare yaadon mein wohi rahenge jo saath tumahare rehate hai, <br />Jinke saath rehakar hi tumahare jeevan ke din guzarte hai, <br />Mein to musaafir bankar ai jaanam tere jeevan mein aaya, <br />Itna pyaar mein kar baitha ke doori bhi mein na samajh paaya. <br /> <br />Aaj mein yeh jaan chukka hoon ke mein tera apna hokar bhi gaair hi hoon, <br />Humsafar bankar hum chal rahe hai to kya mein to ek musafir hi hoon, <br />Saath tere mein sada rahoonga chahe kuch bhi jo jaaye jeevan mein, <br />Gair hoon mein to kya hua phir bhi mein teri mohabbat hi hoon.<br /><br />Shrini Deewana<br /><br />http://www.poemhunter.com/poem/ehasaas/
