Jaati hai drishti jahan tak baadal dhuen ke dekhta hun <br />Archana ke deep se mandir jalte dekhta hun <br />dekhta hun raat se bhi jyada kaali bhor ko <br />aadmi ki mukta ko goliyon ke shor ko <br />dekhta hun namrata jakde hinsa ki janjeer hai <br />aankhir yakin kaise karun ye hind ki tasveer hai. <br /> <br />Kitne bachpan dosh apna bebas nazar se puchte hain <br />beghar anaath hone ka karan khandhar se ghar ke puchte hain <br />tute kunware kangan apna puchte kasoor kya hai <br />sooni kalai puchti hai aakhir hamne kiya kya hai <br />saptvarni chunriyib ke taar ro kar bolte hain <br />nok par tufan ki shama lute dekhta hun <br />roz kitni raushni ko khudkushi karte dekhta hun <br />dekhta hun kuch suman ki hi bagawat chaman se <br />swas ka hi vidroh lahu, hritay aur tan se <br />lagta hai saritayen bhi hinta se sookh rahi <br />kyonki har hriday samandar aankh bani ksheer hai. <br /> <br />Har hriday ki aas hoti laut ke na atit aaye <br />vartmaan se bhi jyada ooska bhavishya muskuraye <br />lekin prabhu se prathna, bhavishya desh ka atit ho <br />kuch nahi to 'deepak'hriday mein nishkapat preeti ho <br />kyonki nafrat ki kainchi hai jis tarh chal rahi <br />darta hun kahin thaan saara ban na jaye cheer hai <br /> <br /> <br />Copy right reserved @Kavi Deepak Sharma <br /> <br />http: //www.kavideepaksharma.co.in <br />http: //www.shayardeepaksharma.blogspot.com <br />http: //www.kavideepaksharma.com<br /><br />Kavi Deepak Sharma<br /><br />http://www.poemhunter.com/poem/jaati-hain-drishti-jahan-tak-baadal-dhuayen-a-poem-by-deepak-sharma/
