Oh! Rowan Tree, Oh! Rowan Tree, thou'lt aye be dear to me, <br />Intwin'd thou art wi' mony ties o' hame and infancy. <br />Thy leaves were aye the first o' spring, thy flow'rs the simmer's pride; <br />There was nae sic a bonny tree, in a' the countrie side. <br />Oh! Rowan Tree. <br /> <br />How fair wert thou in simmer time, wi' a' thy clusters white, <br />How rich and gay thy autumn dress, wi' berries red and bright! <br />On thy fair stem were mony names, which now nae mair I see, <br />But they're engraven on my heart - forgot they ne'er can be! <br />Oh! Rowan Tree. <br /> <br />We sat aneath thy spreading shade, the bairnies round thee ran, <br />They pu'd thy bonny berries red, and necklaces they strang; <br />My mother! oh! I see her still, she smiled our sports to see, <br />Wi' little Jeanie on her lap, an' Jamie at her knee! <br />Oh! Rowan Tree. <br /> <br />Oh! there arose my father's prayer, in holy evening's calm, <br />How sweet was then my mother's voice, in the Martyr's psalm! <br />Now a' are gane! we meet nae mair aneath the Rowan Tree; <br />But hallowed thoughts around thee twine o' hame and infancy. <br />Oh! Rowan Tree.<br /><br />Carolina Oliphant<br /><br />http://www.poemhunter.com/poem/the-rowan-tree/
