Jab aankhein batien karne lagen khamoshi achi lagti hay, <br />Ab hosh ko rakh kar keya karna behoshi achi lagti hay. <br />Koi hosh urane wala ho aur aur toot ke chahne wala ho, <br />Aur shanon pe zulfein bikhri hon madhoshi achi lagti hay. <br />Koi dekh na le koi sun na le, gul kar do sari shamen ab, <br />In narm achoote honton ki sargoshi achi lagti hay. <br />Zara dekho iski shararat ko yeh har singhar ke barse phool, <br />Yeh chadar kaisi urhai hay gulposhi achi lagti hay. <br />Main tummei chupa tum mujmein chupe, koi dhoondh raha, <br />Yeh chand hay aur yeh kahta hay ruposhi achi lagti hay. <br />Jab gal ki rangat nikhri ho jab aankhon mein masti utri ho, <br />Ay chasme ghizalan chalakti raho may noshi achi lagti hay. <br />Jab hont hon kaliyon ki manind jab phool ke jaisa paikar ho, <br />Bareek gulabi libadeh mein khushposhi achi lagti hay.<br /><br />Akhtar Jawad<br /><br />http://www.poemhunter.com/poem/ghazal-khamoshi-achi-lagti-hay/
