Jab shawan ke dino me barish ruk- ruk ke hoti h, <br />Jab aashman me badal ruk-ruk ke umadate rahate hai, <br />Jb aise hi khule nabh me kali si ghataa chha jati; <br />Tab yaad tumhari aati hai… <br /> <br />Jab pawan ke jhoke se masti me patte jhoomate hain, <br />Jab jhoom-jhoom ek daali ek daali ko jaise choomate hain, <br />Jab bar-bar ish chumban se daali main lachak aa jati h; <br />Tab yaad tumhari aati hai…. <br /> <br />Jab subah-subah mandir main ghante bajte hain, <br />Jab aane wali har bhajan ke lavz suhane lagate hain, <br />Jab ghar ke hi ek kone main maa aarti doharati hai; <br />Tab yaad tumhari aati hai……. <br /> <br />Jab bheed-bhad ke mele main khud ko akele pata hu, <br />Jab ushe dhoondhati nazrein gagar si khali hoti hain, <br />Jab kisi ajnabi se ye nazrein takaraa jati hain; <br />Tab yaad tumhari aati hai…… <br /> <br />Jab roothe bachhe ko maa bar-bar manaati hai, <br />Jab bachhe ke ‘Karun' krandan se maa ghabda jaati hai, <br />Jab maa ke mamatamayi nayano me anaayash ashru aa jatein hain; <br />Tab yaad tumhari aati hai….. <br /> <br />Jab sapano main sath akele tumhare hota hoon, <br />Jab hatho main hath liye khwabo main kho jata hoon, <br />Jab jaraa si aahat se neend meri khul jati hai; <br />Tab yaad tumhari aati hai…… <br />Tab yaad tumhari aati hai……<br /><br />Mithilesh Dixit<br /><br />http://www.poemhunter.com/poem/tab-yaad-tumhari-aati-hai/
