Namukammal thi mukammal mujhe karne walo, <br />Bas isi lafz ki khatir hui aurat paida, <br />Warna kahti mere malik mujhe aurat na bana, <br />Teri dunya mein to aurat na rahe gi zindah, <br />Tu to khud dekh raha ho ga ke dunya mein teri, <br />Ek samane tayyush ke siwa kutch bhi nahin, <br />Chori hoti hay kabhi aur kabhi dakon mein luti, <br />Sirf bazar nahin ghar mein bhi bikte dekha, <br />Larkharate hue dekha ise girte dekha, <br />Aur gir gir ke har ek gam pe uthte dekhe, <br />Aag ke sholon mein zindah ise jalte dekha, , <br />Maine tezab mein aurat ko pighalte dekha, <br />Ek ilzam pe sangsar hui hay aurat, <br />Aur deewar mein zinda ise chunte dekha, <br />Aaj bhi khoon ubalta hay jahan per aurat, <br />Zindah dafnai gai jurm tha aurat hona, <br />Abto paida nahin hoti hay ke qatil iske, <br />Usse pehle hi sula deta hayn ek maut ke neend, <br />Keya karoon mujhko mukammal bhi to hona tha kabhi, <br />Bas isi lafz ki khatir main hui thi paida, <br />Mere bacho mujhe ma'n keh ke bulane walo.<br /><br />Bano Ali<br /><br />http://www.poemhunter.com/poem/ek-lafz-ek-rishta/
