Wipe out yoh eye dem, doh mek di foreign settings fool yoh, <br />Mi tongue fya red wid di native talk 'til mi teeth dem affi a bawl cool noh, <br />A true Jackass, di world noh level, beca yoh cah put dis inna Google Translate, <br />But wen mi mouth a fly, people look pon mi like mi a Bogle weh dance great, <br /> <br />Jah kno, mi heart did drop pon di grung wen a yaadie ask if mi still talk pat wah, <br />Mi is not a Chronixx concert, soh mi nah sell out, weh mi a duh dat fah, <br />Wait, get a comb, doh get it knot up, mi can speak English like a news ancha, <br />If not, people will mek up dem face like Glen Titus, di acta, <br /> <br />Cuh ya, how mi soh confident, mus be di exposure to di Barlife, <br />C-Bar, di High School, noh di place weh sell a lot a liquor at night, <br />It convenient eeh, di cuz side a mi, graduate from di school of Claude Mckay, <br />Deh man deh was a great Jamaican poet, son, work hard, a dat mi mama say, <br /> <br />Stick noh bruck inna mi ears, soh mi listen good, cah mi a di eldest child, <br />Woiii! Masa God gi mi sum skills, soh to di world mi affi gi di wickedest style.<br /><br />Tyrone Gayle<br /><br />http://www.poemhunter.com/poem/mi-still-talk-soh/
