Peyare bacho aage barho, <br />Buraion se jang karo, <br />Peyar muhabbat dosti, <br />Baqae bahami, amn o ashti, <br />Leke yeh hathiar, <br />Ho jao tayyar. <br /> <br />Aage barh kar war karo, <br />Yeh hay jehalat isse laro, <br />Kardo ise barbad, <br />Ilm o aagahi zindabad, <br />Jug se sare andhere mitao, <br />Khud bhi parho auron ko parhao, <br />Shama jalao ilm o hunar ki, <br />Door andheron ko kardo. <br /> <br />Ghurbat aur iflas se larna, <br />Yeh bhi tumhara kam, <br />Jo apni tijori bharte hayn, <br />Kardo unhein nakam. <br /> <br />Nafrat ki deewar gira do, <br />Sabse muhabbat karna hay, <br />Jo nafrat karke jeete hain, <br />Unka jeena to marna hay. <br /> <br />Khatm karo dunya se dahshat, <br />Amn aashti aur muhabbat, <br />Insanon ke sath sath, <br />Har zeerooh se peyar karo. <br /> <br />Yeh jo per aur paude hayn, <br />Inko bhi to bachana hay, <br />Ye hayn hamare dost purane, <br />Sadion ke inse yarane. <br /> <br />Har bachey ko parhna hay, <br />Aur koi kam na karna hay, <br />Dekho agar ek bache ko, <br />Jo mazdoor hi karta hay, <br />Uske man auur bap ke pas, <br />Jao aur jakat unse kaho, <br />Taleem to bachon ka haq hay, <br />Yeh inse mahroom hayn keyun, <br />Inka haq inko de dein, <br />Bhejen inhein schoolon mein, <br />Inko parhna likhna hay, <br />Yeh bacheyaapke bache hayn, <br />Dekhen to kitne ache hayn, <br />Yeh khudbhi parhna chahte hayn, <br /> <br />To inko parhne likhne dein, <br />Aur inko aage barhne dein, <br />Bhejne inhein schoolon mein, <br />Huukme Nabi (saw) per amal karein.<br /><br />Bano Ali<br /><br />http://www.poemhunter.com/poem/mazdoor-bachey/
