Main tumko bool sakta hoon yeh kaise keh diya tumne, <br />Yeh aankhein bhi mukhatib hayn inhein bhi sun liya tumne, <br />Zara dekho in aankhon mein yeh tasveerein tumhari hayn, <br />Jo dil ko bandh kar rakhein woh zanjeerien tumhari hayn, <br />Mera chehra liye phirta hay rangeen dastanein jo, <br />Mere dil se nikalti rehti hayn Ranjha ki tanein jo, <br />Tumhein woh Heer kehti hayn tum itni khoobssorat ho, <br />Nazakat ho, raoonat ho, muhabbat hi muhabbat ho, <br />Yeh dil to ek qaidi hay kahin ja hi nahin sakta, <br />Yeh koi aur naghma ab kabhi ga hi nahin sakta, <br />Tumhein yeh neend kehta hay tumhein ye khawab kehta hay, <br />Kabhi sun kar to dekho keya dile betab kehta hay. <br /> <br />Yeh kehta hay ke mera gosha gosha keyun mehekta hay, <br />Na jane phool kaisa hay jo subho sham khilta hay, <br />Yeh juhi hay chanbeli hay ya phir yeh rat rani hay, <br />Ke ispar to khizaon mein bhi aati ek jawani hay, <br />Yeh iski doodhia rangat mein masti hay gulabi hay, <br />Nigahein shairana hayn nazar behki sharabi hay, <br />Nazakat ka yeh paikar hay yeh rangat hay yeh khushboo hay, <br />Zamin keya aasman jhuk jaye chalta phirta jadoo hay, <br />Agar honton ko dekhoon main to kaliyan yad aati hayn, <br />Agar choo loon to behki rang ralian yad aati hayn, <br />Yeh nazuk si hatheli jab hina se surkh hoti hay, <br />To inko choom ker phir chandni her subh soti hay. <br />Andhera ho ujala ho tumhein paya sada maine, <br />Dukhon ki dhoop mein zulfon ka saya le liya maine, <br />Wafa ki sari rasmein kistarah tumne nibhai hayn, <br />Tumhi ne jhalkian hooron ki dunya mein dikhai hayn, <br />Bari qurbanian deen hayn ke mere jaise khudsar ko, <br />Kiya bardasht tumne kistarah jazbati Akhtar ko, <br />Yeh kaise keh diya tumne main tumko bhool jaoon ga, <br />Jahan bhi jaogi janam main peeche peeche aaoon ga. <br /> <br />(Urdu version of my poem How Can I Forget You)<br /><br />Akhtar Jawad<br /><br />http://www.poemhunter.com/poem/main-tumhein-kaise-bhool-sakta-hoon/
