O WILLIE 1 brew'd a peck o' maut, <br />And Rob and Allen cam to see; <br />Three blyther hearts, that lee-lang night, <br />Ye wadna found in Christendie. <br /> <br /> <br />Chorus.—We are na fou, we're nae that fou, <br />But just a drappie in our ee; <br />The cock may craw, the day may daw <br />And aye we'll taste the barley bree. <br /> <br /> <br />Here are we met, three merry boys, <br />Three merry boys I trow are we; <br />And mony a night we've merry been, <br />And mony mae we hope to be! <br />We are na fou, &c. <br /> <br /> <br />It is the moon, I ken her horn, <br />That's blinkin' in the lift sae hie; <br />She shines sae bright to wyle us hame, <br />But, by my sooth, she'll wait a wee! <br />We are na fou, &c. <br /> <br /> <br />Wha first shall rise to gang awa, <br />A cuckold, coward loun is he! <br />Wha first beside his chair shall fa', <br />He is the King amang us three. <br />We are na fou, &c. <br /> <br /> <br />Note 1. Willie is Nicol, Allan is Masterton the writing-master. The scene is between Moffat and the head of the Loch of the Lowes. Date, August-September, 1789.—Lang. [back]<br /><br />Robert Burns<br /><br />http://www.poemhunter.com/poem/willie-brew-d-a-peck-o-maut/
