Chorus.—MY lady's gown, there's gairs upon't, <br />And gowden flowers sae rare upon't; <br />But Jenny's jimps and jirkinet, <br />My lord thinks meikle mair upon't. <br /> <br /> <br />My lord a-hunting he is gone, <br />But hounds or hawks wi' him are nane; <br />By Colin's cottage lies his game, <br />If Colin's Jenny be at hame. <br />My lady's gown, &c. <br /> <br /> <br />My lady's white, my lady's red, <br />And kith and kin o' Cassillis' blude; <br />But her ten-pund lands o' tocher gude; <br />Were a' the charms his lordship lo'ed. <br />My lady's gown, &c. <br /> <br /> <br />Out o'er yon muir, out o'er yon moss, <br />Whare gor-cocks thro' the heather pass, <br />There wons auld Colin's bonie lass, <br />A lily in a wilderness. <br />My lady's gown, &c. <br /> <br /> <br />Sae sweetly move her genty limbs, <br />Like music notes o'lovers' hymns: <br />The diamond-dew in her een sae blue, <br />Where laughing love sae wanton swims. <br />My lady's gown, &c. <br /> <br /> <br />My lady's dink, my lady's drest, <br />The flower and fancy o' the west; <br />But the lassie than a man lo'es best, <br />O that's the lass to mak him blest. <br />My lady's gown, &c.<br /><br />Robert Burns<br /><br />http://www.poemhunter.com/poem/my-lord-a-hunting-he-is-gane/
