SHE'S fair and fause that causes my smart, <br />I lo'ed her meikle and lang; <br />She's broken her vow, she's broken my heart, <br />And I may e'en gae hang. <br />A coof cam in wi' routh o' gear, <br />And I hae tint my dearest dear; <br />But Woman is but warld's gear, <br />Sae let the bonie lass gang. <br /> <br /> <br />Whae'er ye be that woman love, <br />To this be never blind; <br />Nae ferlie 'tis tho' fickle she prove, <br />A woman has't by kind. <br />O Woman lovely, Woman fair! <br />An angel form's faun to thy share, <br />'Twad been o'er meikle to gi'en thee mair— <br />I mean an angel mind.<br /><br />Robert Burns<br /><br />http://www.poemhunter.com/poem/she-s-fair-and-fause/
