YON wild mossy mountains sae lofty and wide, <br />That nurse in their bosom the youth o' the Clyde, <br />Where the grouse lead their coveys thro' the heather to feed, <br />And the shepherd tends his flock as he pipes on his reed. <br /> <br /> <br />Not Gowrie's rich valley, nor Forth's sunny shores, <br />To me hae the charms o'yon wild, mossy moors; <br />For there, by a lanely, sequesterèd stream, <br />Besides a sweet lassie, my thought and my dream. <br /> <br /> <br />Amang thae wild mountains shall still be my path, <br />Ilk stream foaming down its ain green, narrow strath; <br />For there, wi' my lassie, the day lang I rove, <br />While o'er us unheeded flie the swift hours o'love. <br /> <br /> <br />She is not the fairest, altho' she is fair; <br />O' nice education but sma' is her share; <br />Her parentage humble as humble can be; <br />But I lo'e the dear lassie because she lo'es me. <br /> <br /> <br />To Beauty what man but maun yield him a prize, <br />In her armour of glances, and blushes, and sighs? <br />And when wit and refinement hae polish'd her darts, <br />They dazzle our een, as they flie to our hearts. <br /> <br /> <br />But kindness, sweet kindness, in the fond-sparkling e'e, <br />Has lustre outshining the diamond to me; <br />And the heart beating love as I'm clasp'd in her arms, <br />O, these are my lassie's all-conquering charms!<br /><br />Robert Burns<br /><br />http://www.poemhunter.com/poem/yon-wild-mossy-mountains/
