O MERRY hae I been teethin' a heckle, <br />An' merry hae I been shapin' a spoon; <br />O merry hae I been cloutin' a kettle, <br />An' kissin' my Katie when a' was done. <br />O a' the lang day I ca' at my hammer, <br />An' a' the lang day I whistle and sing; <br />O a' the lang night I cuddle my kimmer, <br />An' a' the lang night as happy's a king. <br /> <br /> <br />Bitter in dool I lickit my winnins <br />O' marrying Bess, to gie her a slave: <br />Blest be the hour she cool'd in her linnens, <br />And blythe be the bird that sings on her grave! <br />Come to my arms, my Katie, my Katie; <br />O come to my arms and kiss me again! <br />Drucken or sober, here's to thee, Katie! <br />An' blest be the day I did it again.<br /><br />Robert Burns<br /><br />http://www.poemhunter.com/poem/kissing-my-katie/
