Jo guzar gai woh thi zindigi jo guzar rahi woh sawal hay, <br />Tum ise bhi kahte ho zindigi yeh to apna apna khyal hay. <br />Ye hawa ke jhonke kabhi kabhi yeh jo gugdgudi si lagate hayn, <br />Kabhi rote rote jo hans pada in hawaon ka yeh kamal hay. <br />Na to main raha na to tum rahe yeh zamana kitna badal geya, <br />Yeh jo phool humne khila diya yehi baqi ek jamal hay. <br />Yeh safar to sara hi kat geya jo bacha hay usko bhi kat lein hum, <br />Zara kakulon ko woh kham to do woh jo kabka inse nikal geya, <br />Kabhi bole tum jo lagao se to lohoo bhi ruk geya ghao se, <br />Koi bheegi aankhen bhi hans padin koi ghamzada bhi bahal geya. <br />Kabhi socha tumne jo paya hay kabhi socho keya keya ganwaya hay, <br />Koi uska dhoondo jawab bhi tum ke yeh zindigi ka sawal hay. <br />Main to mutmain hoon naseeb se jo sila mila woh bahut mila, <br />Woh jo aaj tak na mila kabhi mujhe kutch na uska malal hay. <br />Mera mazi mujhse bichar geya main use kabhi na bhula saka, <br />Magar iska husn bhi kam nahin ke bada haseen mera hal hay. <br />Yeh jo dhoop chaon ka khel hay ise khelna hi hay zindigi, <br />Kabhi bheeg jati hay aankh agar yeh to ek waqti ubal hay.<br /><br />Akhtar Jawad<br /><br />http://www.poemhunter.com/poem/ghazal-zindigi/
