Kabhi daraya dikha ke garam chameeta, <br />Kabhi utaar kapde ghar se bahar ghaseeta <br /> <br />Kabhi baji gaal per chante kee chatkar, <br />Ek dou baar tho chappal se bhi hua prahar <br /> <br />Ab samajhe hum kyun jaruri thi maar fatkar, <br />Unki chahat thee ki rahe hamare bhavisya mein bahar <br /> <br />Hum bacchaon ki khatir ek dusre se duur rahe, <br />Akelepan aur hum bacchon ke jhanjhat khoob sahe <br /> <br />Sirf danta hi nahin, bahut pyar se dulara bhi, <br />Jab bhi bhatke hum, diya bharpur sahara bhi <br /> <br />Ab who hamen itni daant nahin lagate hein, <br />Hamari galtiyon per mismisa ke reh jaate hein <br /> <br />Galtiyan na houn iski dua aur koshish ham karte hein, <br />Wo dante na dante, bhavnayen hum samajhate hein <br /> <br />Khud bhee ek dusre se, khoob lade bhide, <br />Kuch samay anbola raha, fir sath chal pade <br /> <br />Khud dikhayen nahin per humko tho samajh aata hei, <br />Gehra aapas ka pyar bhala kahan chip pata hei <br /> <br />Parmatma inko iss khoobsurat raah per chalata rahe, <br />Aur humare sar per inke aashish ka saaya rahe<br /><br />Ravi Singh<br /><br />http://www.poemhunter.com/poem/humare-sar-per-maa-pitaji-ke-aashish-ka-saaya-rahe/
