Auld Wife Fae Carnoustie <br />There wis an auld wife fae Carnoustie <br />Her drawers war bumshayvelt an fooshtie <br />The dottled auld feel, bocht a pair made o steel <br />Noo her drawers dinna guff bit they’re roosty <br /> <br /> <br />Kirk in Dunoon <br />There aince wis a kirk in Dunoon <br />Fas membership dwinnlit richt doon <br />Noo wi twice wikkly Bingo, it’s doubled, by jingo <br />Wi a pie an a pynt served at noon <br /> <br /> <br />Banchory Salmon <br />A Banchory salmon wi speed <br />Lowped a linn an crashed doon on its heid <br />A fisher nearbye tuik it hame for a fry <br />Though it wisna his catch it wis deid. <br /> <br /> <br />Tamintoul stag <br />There aince wis a frichtfu mishanter <br />Fin a Tamintoul stag wi an antler <br />Caused a skier tae lowp fin it powkit his dowp <br />An he cleared the neist brae like a panther <br /> <br /> <br />Cauld Kail Hett again <br />A quinie fae auld Aiberdeen <br />For her holidays gaed tae the meen <br />There wis nocht tae be seen bit a rickle o steen <br />‘I can see thon at hame, ’ quo the deem <br /> <br /> <br />Embro Festival Goer <br />An Embro Festival Goer <br />Fin the traffic got slower an slower <br />In the quest for mair speed, found the wye tae succeed <br />Wis tae gyang on a motorised mower <br /> <br /> <br />Glesga Art Lover <br />A Glesga Art Lover stood still <br />Like a heron poised ower its kill <br />Bit his jynts they aa froze as he studied a pose <br />Till he luiked like a biro refill<br /><br />sheena blackhall<br /><br />http://www.poemhunter.com/poem/7-limericks-in-scots/
