Here's a health to them that's awa, <br /> Here's a health to them that's awa <br />And wha winna wish guid luck to our cause, <br /> May never guid luck be their fa'! <br />It's guid to be merry and wise, <br /> It's guid to be honest and true, <br />It's guid to support Caledonia's cause <br /> And bide by the buff and the blue. <br /> <br />Here's a health to them that's awa, <br /> Here's a health to them that's awa! <br />Here's a health to Charlie, the chief o' the clan, <br /> Altho that his band be sma'! <br />May Liberty meet wi success, <br /> May Prudence protect her frae evil! <br />May tyrants and Tyranny tine i' the mist <br /> And wander their way to the Devil! <br /> <br />Here's a health to them that's awa, <br /> Here's a health to them that's awa; <br />Here's a health to Tammie, the Norlan' laddie, <br /> That lives at the lug o' the Law! <br />Here's freedom to thern that wad read, <br /> Here's freedom to them that would write! <br />There's nane ever fear'd that the truth should be heard, <br /> But they whom the truth would indite! <br /> <br />Here's a health to them that's awa, <br /> An here's to them that's awa! <br />Here's to Maitland and Wycombe! let wha does na like 'em <br /> Be built in a hole in the wa'! <br />Here's timmer that's red at the heart, <br /> Here's fruit that is sound at the core, <br />And may he that wad turn the buff and blue coat <br /> Be turn'd to the back o' the door! <br /> <br />Here's a health to them that's awa, <br /> Here's a health to them that's awa, <br />Here's Chieftain M'Leod, a chieftain worth gowd, <br /> Tho' bred amang mountains o' snaw! <br />Here's friends on baith sides o' the Firth, <br /> And friends on baith sides o' the Tweed, <br />And wha wad betray old Albion's right, <br /> May they never eat of her bread!<br /><br />Robert Burns<br /><br />http://www.poemhunter.com/poem/here-s-a-health-to-them-that-s-awa/
