Ye banks, and braes, and streams around <br /> The castle o' Montgomery, <br />Green be your woods, and fair your flowers, <br /> Your waters never drumlie! <br />There Simmer first unfald her robes, <br /> And there the langest tarry: <br />For there I took the last Fareweel <br /> O' my sweet Highland Mary. <br /> <br />How sweetly bloom'd the gay, green birk, <br /> How rich the hawthorn's blossom; <br />As underneath their fragrant shade, <br /> I clasp'd her to my bosom! <br />The golden Hours, on angel wings, <br /> Flew o'er me and my Dearie; <br />For dear to me as light and life <br /> Was my sweet Highland Mary. <br /> <br />Wi' mony a vow, and lock'd embrace, <br /> Our parting was fu' tender; <br />And pledging aft to meet again, <br /> We tore oursels asunder: <br />But Oh, fell Death's untimely frost, <br /> That nipt my Flower sae early! <br />Now green's the sod, and cauld's the clay, <br /> That wraps my Highland Mary! <br /> <br />O pale, pale now, those rosy lips <br /> I aft hae kiss'd sae fondly! <br />And clos'd for ay, the sparkling glance, <br /> That dwalt on me sae kindly! <br />And mouldering now in silent dust, <br /> That heart that lo'ed me dearly! <br />But still within my bosom's core <br /> Shall live my Highland Mary.<br /><br />Robert Burns<br /><br />http://www.poemhunter.com/poem/highland-mary/
